Betra jafnvægi: Bjargráð fyrir taugakerfið
Námskeiðið hentar fólki sem upplifir einkenni streitu og örmögnunar, fólki með áfallasögu eða þeim sem finna fyrir mikilli spennu í líkamanum. Markmiðið er að skilja hlutverk heilans og taugakerfisins þegar ójafnvægi hefur átt sér stað vegna langvarandi álags.
Unnið er með að auka öryggi í taugakerfinu og minnka tímann sem fer í aftengingu eða sjálfstýringu. Engin fyrri reynsla af jóga er nauðsynleg.
Yfirlit yfir námskeiðið
- 1. tími: Kynning á námskeiði og farið yfir grunnhugmyndir og kenningar sem námskeiðið byggir á. Af hverju yin jóga?
- 2. tími: Hvað þurfum við að vita um taugakerfið? Um gamla heila og nýja heila.
- 3. tími: Polyvagal kenningin – nýju vísindin um öryggi. Hvernig getum við notað þekkingu á flökkutauginni til þess að öðlast betra jafnvægi og minni streitu?
- 4. tími: Streita og sjúkleg streita. Hver eru áhrifin á heilann, taugakerfið og líkamann?
- 5. tími: Öndun og núvitund – öflug bjargráð til að upplifa meira öryggi í huganum, taugakerfinu og líkamanum.
- 6. tími: Um áfallastreitu og flókna áfallastreitu. Hvernig birtast afleiðingarnar á fullorðinsaldri og hvað er til ráða?
- 7. tími: Tilfinningastjórnun. Að takast á við stórar og óþægilegar tilfinningar en líka að takast á við aftengingu og doða. Hvernig getur þekking okkar á heilanum hjálpað okkur að ná betri tilfinningastjórnun?
- 8. tími: Lokatími: Lengri iðkun, samantekt og umræður.
Kennsla og fyrirkomulag
Hver tími skiptist í tvennt: Fyrri hlutinn er fræðsla en í seinni hlutanum er farið í yin jóga iðkun og djúpslökun. Þátttakendur fá vinnubók með námsefninu.
Leiðbeinandi
Unnur Vala Guðbjartsdóttir, sálfræðingur og yin jóga kennari.